இலக்கணம் கட்டுரை

கட்டுரை→ இலக்கணம்
கற்றல்

ஒலிக்குறிப்பு சொற்கள்

 
ஒலிக்குறிப்பு
 
வினைச்சொல்லை ஒலியோடு சேர்த்துக் கூற பயன்படும் சொற்கள் ஒலிக்குறிப்பு சொற்களாகும்.
 
தற்கால வழக்கிலுள்ள ஒலிக்குறிப்பு சொற்களின் பட்டியல்:

 

எண் ஒலிக்குறிப்பு உதாரணம்
1 உம்  உம்மென உட்கார்ந்திருந்தாள்
2 ஓ  ஓவென அழுதுவிட்டார்
3 கப்சிப்  கப்சிப்பென அனைவரும் அமைதியாக இருந்தனர்
4 குபீர்  குபீரெனச் சிரித்தார்
5 குப்  குப்பென வியர்த்துவிட்டது
6 கும்  கும்மென இருட்டில் சென்றார். உடம்பைக் கும்மென வைத்திருக்கிறார்
7 சடார்  சடாரெனக் காலில் விழுந்த மாணவர்
8 சட்  சட்டென மாறிய வானிலை
9 சரேல்  சரேலென மின்னல் வெளிச்சம் பாய்வது
10 சளார்  தண்ணீரில் சளாரென விழுந்தேன்
11 சிக்  உடல் எடையைச் சிக்கென்று குறைத்தார்
12 சில்  சில்லென ஆர்ப்பரித்துக் கொட்டும் தண்ணீர்
13 சுரீர்  அடிவயிற்றில் சுரீரென வலிக்க ஆரம்பித்தது
14 சுர்  சுர்ரென மிளகாய்க் காரமாக இருந்தது
15 திக்  முகத்தைப் பார்த்தது திக்கென இருந்தது
16 திடீர்  திடீரென மழை பொழிந்தது
17 திடுதிப்  திடுதிப்பெனக் காலையில் வந்து நின்றார்.
18 தொப்  தொப்பெனக் குளத்தில் விழ்ந்தார்
19 பகீர்  அந்தச் செய்தி பகீரென இருந்தது
20 பசேர்  பச்சை பசேரெனத் தென்னை மரங்கள்
21 படக்  படக்கெனக் காலில் விழுந்த மூதாட்டி
22 பளார்  பளாரென்று கன்னத்தில் அறைந்தார்
23 பொத்  பொத்தெனக் கீழே விழுந்தார்
24 மெத்  மெத்து மெத்தென இருக்கும் இந்தக் கரடி பொம்மை
25 விருட்  விருட்டெனக் கிளம்பிச் சென்றார்
26 சோ  மழை சோவெனப் பெய்து
27 மடக்  தண்ணீரை எடுத்து மடக்கெனக் குடித்தாள்
28 உஷ்  உஷ்.. யாரும் பேசாதீங்க
29 அடடா  அடடா இது தெரியாமல் போனதே
30 ஆகா  ஆகா! அருமை
31 ஆராரோ  ஆராரோ ஆரிராரோ
32 சீ  சீ..சீ இந்தப் பழம் புளிக்கும்
33 ஏய்  ஏய்.. உனக்கு அறிவில்லையா?
34 கோ  கோவெனக் கதறி அழுதாள்
35 டக்  டக்கெனக் கிளம்பினார்
36 டமால்  கதவை டமாலென மூடுகிறார்
37 டமார்  டமாரென இடி சத்தம் முழங்கும்
38 சேச்சே  சேச்சே, அவரிடம் பேசுவதில்லை
39 நச்  நச்சென்று பதிலடி கொடுத்தார்
40 அச்சச்சோ  அச்சச்சோ பாவம்
41 ஜம்  கல்யாணத்தில் மாப்பிளை ஜம்மென உட்கார்ந்திருந்தார்
42 டம்  வாகனமொன்று மரத்தில் டம்மென்று மோதியது