சங்ககாலத் தமிழர் நிலங்களைக் ஐந்து திணைகளாக வகைப்படுத்துகிறார்கள்.
மலையும் மலை சார்ந்த நிலமும் – குறிஞ்சி
காடும் காடுசார்ந்த நிலமும் – முல்லை
வயலும் வயல் சார்ந்த நிலமும் – மருதம்
கடலும் கடல் சார்ந்த நிலமும் – நெய்தல்
மணலும் மணல் சார்ந்த பகுதிகளும் – பாலை
மலையும் மலை சார்ந்த பகுதியையும் குறிஞ்சி நிலம் என்று அழைத்தனர். மலைக்கு அடுத்து இருந்த நிலப்பகுதி காடும், காட்டைச் சார்ந்த இடமும். இப்பகுதியை முல்லைநிலம் என்று கூறினர். முல்லைக்கு அடுத்து இருந்த வயலும் வயலைச் சார்ந்த இடத்தை மருதம் என்று குறிப்பிட்டனர். கடலையும் கடலைச் சார்ந்த இடத்தையும் நெய்தல் நிலம் என்றனர். பருவகாலத்தில், பெய்ய வேண்டிய மழை பெய்யாமல், வறட்சி ஏற்பட்டு, நிலம் பசுமை இல்லாமல் வரண்டு இருக்குமானால் அப்பகுதியைப் பாலை என்றனர்.
ஐந்திணை கருப்பொருள்கள்
குறிஞ்சி |
முல்லை |
மருதம் |
நெய்தல் |
பாலை |
|
தெய்வம் |
முருகன் |
திருமால் |
இந்திரன் |
வருணன் |
துர்க்கை |
மக்கள் |
குறவர், குறத்தியர் |
ஆயர், ஆய்ச்சியர், இடையர், இடைச்சியர் |
கடையர், கடைசியர் உழவர், உழத்தியர் |
பரதவர், பரத்தியர், |
மறவர், மறத்தியர் எயினர், எயிற்றியர் |
தொழில் |
தேனெடுத்தல், கிழங்ககழ்தல், வெறியாடல், தினைகாத்தல் |
வரகு விதைத்தல், களை பறித்தல், ஆநிரை மேய்த்தல், குழலூதல், காளை தழுவுதல் |
நெல்லரிதல், களை பறித்தல், கடா விடுதல் |
மீன் பிடித்தல், உப்பு விற்றல் |
நிரை கவர்தல், சூறையாடல், வழிப்பறி செய்தல் |
உணவு |
தினை, மலைநெல், மூங்கிலரிசி |
வரகு, சாமை, முதிரை |
செந்நெல், வெண்ணெலரிசி |
மீனும், உப்பும் விற்றால் பெறும் பொருள் |
வழிப்பறி செய்த பொருள், கொள்ளையடித்த பொருள் |
பறவை |
கிளி, மயில் |
கானக்கோழி |
நாரை, நீர்க்கோழி, அன்னம், குருகு |
நீர்க்காக்கை |
கழுகு, பருந்து, புறா |
விலங்கு |
புலி, கரடி, பன்றி |
முயல், மான் |
எருமை, நீர்நாய் |
சுறா |
வலிமை இழந்த புலி, செந்நாய் |
ஊர் |
சிறுகுடி |
பாடி, சேரி |
பேரூர், மூதூர் |
பட்டினம், பாக்கம் |
குறும்பு |
நீர் |
சுனை நீர், அருவி நீர் |
கான்யாறு |
மனைக்கிணறு, பொய்கை |
உவர்நீர்க் கேணி, உவர்க்கழி |
நீர் வற்றின சுனை, நீர்வற்றிய கிணறு |
பூ |
காந்தள், குறிஞ்சி, வேங்கை |
முல்லை, குல்லை, பிடவம், தோன்றி |
தாமரை, கழுநீர், குவளை |
தாழை, நெயதல், புன்னை |
மா, குரா, பாதிரி |
மரம் |
அகில், சந்தனம், வேங்கை |
கொன்றை, குருந்து, காயா |
மருதம், வஞ்சி, காஞ்சி |
புன்னை, தாழை |
இருப்பை, ஓமை, உழிஞை, பாலை |
பறை |
வெறியாட்டுப்பறை, தொண்டகப்பறை |
ஏறுகோட் பறை |
மணமுழா, நெல்லரிகிணை |
மீன்கோட்பறை |
போர்ப்பறை, ஊரெறிபறை |
பண் |
குறிஞ்சிப்பண் |
முல்லைப்பண் |
மருதப்பண் |
நெய்தல்பண் |
பாலைப்பண் |
யாழ் |
குறிஞ்சி யாழ் |
முல்லை யாழ் |
மருத யாழ் |
விளரி யாழ் |
பாலை யாழ் |
தலைமக்கள் |
சிலம்பன், வெற்பன், பொருப்பன், கொடிச்சி, குறத்தி |
குறும்பொறை, நாடன், தோன்றல், கிழத்தி, மனைவி |
ஊரன், மகிழ்நன், கிழத்தி, மனைவி |
துறைவன், சேர்ப்பன் |
மீளி, விடலை, காளை, எயிற்றி |